Марҳилаи аввалини қарзи Фонди ОПЕК барои сохтмони НБО «Роғун»

10 октябри соли 2024 Ҳукумати Ҷумҳурии Тоҷикистон ва Фонди ОПЕК оид ба рушди байналмилалӣ (OPEC Fund for International Development) ба мувофиқа расиданд, ки барои қисман маблағгузории хароҷоти лоиҳаи Нерӯгоҳи барқи обии «Роғун» қарз ба маблағи умумии 100 миллион доллари ИМА ҷудо карда шавад.

Дар доираи Созишномаи қарзӣ, Фонди ОПЕК марҳилаи аввалини қарзи имтиёзнокро ба маблағи 25 миллион доллари ИМА тасдиқ намуд. Маблағҳои ҷудошуда барои татбиқи ҷузъҳои асосии лоиҳа равона мегарданд.

Амалисозии лоиҳа аз ҷониби Гурӯҳи татбиқи лоиҳаҳои сохтмони иншооти энергетикӣ дар назди Президенти Ҷумҳурии Тоҷикистон ҳамчун мақоми татбиқкунанда ҳамоҳанг карда мешавад. Фаъолияти лоиҳа дар ҳамкорӣ бо дигар манбаъҳои маблағгузории байналмилалӣ, аз ҷумла дастгирии Бонки исломии рушд, амалӣ мегардад.

Лоиҳаи НБО «Роғун» бо риояи стандартҳои байналмилалӣ дар соҳаҳои идоракунии молиявӣ, ҳифзи муҳити зист ва кафолатҳои иҷтимоӣ татбиқ карда мешавад. Созишномаи қарзӣ инчунин талаботро оид ба шаффофият, ҳисоботдиҳӣ ва истифодаи самараноки маблағҳо пешбинӣ менамояд.

Тасдиқи марҳилаи аввалини қарз аз ҷониби Фонди ОПЕК дастгирии байналмилалии молиявиро барои НБО «Роғун» боз ҳам тақвият дода, аҳамияти стратегии онро барои рушди устувори иқтисодии Ҷумҳурии Тоҷикистон тасдиқ менамояд. Татбиқи Лоти 4 ба суръатбахшии корҳои сохтмон, таҳкими амнияти энергетикии кишвар ва тавсеаи имкониятҳои содироти нерӯи барқи тоза дар минтақа мусоидат мекунад.